Qazaqstan Respýblıkasy Premer-Mınıstriniń Ókimimen Jýmın Danat Esboluly QR Premer-Mınıstri Keńsesi Basshysynyń orynbasary bolyp taǵaıyndaldy dep habarlaıdy Qamshy.kz aqparat agenttigi QR Premer-Mınıstriniń baspasóz qyzmetine silteme jasap.
Danat Jýmın 1983 jyly Qostanaı oblysynda týǵan.
Qostanaı bıznes kolejin «Menedjment jáne býhgalterlik esep» mamandyǵy boıynsha, L.N. Gýmılev atyndaǵy Eýrazıa ulttyq ýnıversıtetin «Saıasattaný» mamandyǵy boıynsha, «Bolashaq» baǵdarlamasy boıynsha Montana ýnıversıtetin (Montana shtaty, AQSH) memlekettik basqarý magıstri dárejesimen bitirgen, Garvard bıznes mektebinde joǵarǵy basshylardy daıarlaýdyń úshjyldyq baǵdarlamasyn támamdaǵan.
2002-2007 jj. memlekettik jastar saıasatyn júzege asyrýǵa belsene qatysqan. Qazaqstan stýdentter alánsyn basqarǵan, Qazaqstan jastar kongresiniń atqarýshy dırektory qyzmetin atqarǵan.
2009-2011 jj. memlekettik basqarý salasynda jumys istedi. «Memlekettik qyzmetshiler personalyn basqarý boıynsha ulttyq ortalyq» AQ departament dırektory, QR Prezıdenti janyndaǵy Memlekettik basqarý akademıasy rektorynyń keńesshisi, QR Prezıdenti janyndaǵy Memlekettik basqarý akademıasynyń Dıplomatıa ınstıtýtynyń dırektorynyń orynbasary bolyp taǵaıyndalǵan. Memlekettik basqarý reformalary jónindegi Eýropalyq komısıanyń ulttyq sarapshysy boldy.
2011-2013 jj. «Apex Consult» JSHS - 2010 jyly qurǵan strategıalyq marketıńtik komýnıkasıalar salasyndaǵy konsaltıńtik agenttiktiń bas dırektory qyzmetin atqardy.
2013-2014 jj. — Hatshylyq basshysy – «Báıterek» Ulttyq basqarýshy holdıńi» AQ basqarma tóraǵasynyń keńesshisi.
2014-2016 jj. — «Qazaqstan - 2050» Jalpyulttyq qozǵalysy keńesiniń tóraǵasy.
2016-2017 jj. — «Apex Consult» JSHS Baqylaý keńesiniń tóraǵasy.
2017 j. qarasha aıynan «Nur Otan» partıasynyń saıası jumystar departamenti dırektorynyń orynbasary, 2018 j. - departament dırektory bolyp taǵaıyndaldy.
2018 jylǵy shilde aıynan 2019 jylǵy tamyz aıy aralyǵynda Shymkent qalasynyń ákiminiń orynbasary laýazymyn atqardy, kásipkerlik, ónerkásip jáne ınvestısıalar, aýyl sharýashylyǵy, týrızm, sıfrlandyrý máselelerine jetekshilik etti.
