Reseı Qarýly kúshteriniń "Ortalyq 2019" strategıalyq komandalyq-shtabtyq jattyǵýlary 16 jáne 21 qyrkúıek aralyǵynda ótedi dep habarlaıdy Qamshy.kz aqparat agenttigi Sputniknews.kz saıtyna silteme jasap. 

RF qorǵanys mınıstrligi budan buryn habarlaǵandaı, jattyǵýlarǵa Qazaqstan, Qyrǵyzstan, Tájikstan jáne Ózbekstan áskerıleri de qatysady.

Reseı prezıdentiniń baspasóz hatshysy Dmıtrıı Peskov habarlaǵandaı, Vladımır Pýtın osy elderdiń memleket basshylarynyń birimen jattyǵýdy birge tamashalaýy múmkin. Olardyń arasynda Qazaqstan prezıdenti Qasym-Jomart Toqaev ta bar.

"Joqqa shyǵara almaımyz", - dedi Dmıtrıı Peskov suraqqa jaýap berip.

"RF-nyń eýropalyq bóligindegi Dongýz, Toskıı, Adanak polıgondarynda  12 950 adam jattyǵýdan ótedi (olardyń ishinde RF áskerıleriniń sany - 10 700-ge deıin, sheteldik áskerıler - 2 250 adamǵa deıin). Sondaı-aq 250-deı tank, 450-ge jýyq jaýyngerlik kólik pen bronetranspporter, 200-ge tarta artılerıalyq júıe men dúrkindetip atý reaktıvti júıesi qoldnanylady", - delingen Reseı qorǵanys mınıstrliginiń habarlamasynda.

Buǵan deıin Reseı men Belarýs prezıdentteri Vladımır Pýtın men Aleksandr Lýkashenko eki el aýmaǵynda dástúrli ótkizilip júrgen "Batys" strategıalyq jattyǵýlaryn kórýge barǵan edi.