Olardyń jekpe-jegi Reseıdiń Chelábi qalasyndaǵy "Traktor" arenasynda boks keshiniń basty kezdesýinde ótti. Kovalev óziniń týǵan qalasynda birinshi alǵash ret jekpe-jek uıymdastyrdy, jalpy ol Reseıde nebári úsh kezdesý ótkizgen. Iard bolsa sporttyq mansabynda alǵash ret óz eliniń shekarasynan shyqty. 

Jekpe-jek 11-shi raýndta aıaqtaldy. Kovalev kúshi sarpylǵan qarsylasyn nokaýtqa túsirdi. Segizinshi raýndta ulybrıtanıalyq boksshy sál bolmaǵan da reseılikti esinen tandyrýǵa az qalǵan edi. Biraq ol gongqa deıin shydap baqty, sosyn basymdyqty óz qolyna aldy. 

36 jastaǵy Kovalev úshin bul 34-shi (29 nokaýt) jeńis, ol úsh ret jeńilgen jáne bir ret teń túsken. Al 27 jastaǵy Iard sporttyq mansabynda alǵash ret jeńildi. Osyǵan deıin ol 18 kezdesýde jeńimpaz bolyp, onyń 17-n merziminen buryn aıaqtaǵan. Osy kezdesý úshin Kovalev bes mıllıon dollar, al ulybrıtanıalyq úsh mıllıon dollar alady. 

Kovalev WBO belbeýin 2 aqpanda qaıtarǵan edi. Ol kolýmbıalyq Eleıder Alvaresti revansh kezinde jeńdi. 2013-2016 jyldary jáne 2017-2018 aralyǵynda osy belbeý reseıliktiń ıeliginde bolǵan.