Almatyda úsh adamdy avtokólikpen qasaqana soqqan vıdeo ınternette qyzý talqylanyp jatyr dep jazady Qamshy.kz aqparat agenttigi Tengrinews.kz saıtyna silteme jasap.
Atalaǵan vıdeo ınstagram jelisindegi kris_p_kz paraqshasynda jarıalanǵan. Túngi ýaqytta túsirilgen kadrda bir top jaıaý adamdar avtokólik júrgizýshilerimen qaqtyǵysady. Avtokólikke mingenderdiń biri úsh adamdy qasaqana soqqan.
"Bul oqıǵanyń kýási boldym. Tańǵy saǵat 4:00 shamasynda tóbeles boldy, tóbelesip júrgenderdiń bireýi mashınamen úsh adamdy qaǵyp ótti", - dep jazdy kýáger.
"Bul fakt sotqa deıingi tergeýdiń biryńǵaı tiziliminde birden QR Qylmystyq kodeksiniń úsh baby boıynsha - 345-babynyń 2-bóligi "jol qozǵalysy erejelerin buzý" jáne 347-baby "jol-kólik oqıǵasy bolǵan jerde qaldyrý" jáne 293-baby "Buzaqylyq" boıynsha tirkelgen. Ol Bostandyq aýdanynyń polısıa basqarmasynda, sondaı-aq JP tergeý basqarmasynda tergeledi. Kúdiktilerdiń anyqtaldy, qazir olardy ustaý úshin jedel tergeý is - sharalary júrip jatyr", -dep habarlady Almaty qalasy polısıa departamentiniń baspasóz qyzmeti.
