Rasynda da qytaı elinen shyqqan globýsta Qazaqstan joq bolyp shyqty. Mundaı zattar elimizdiń shekara keden beketinen qalaı ótken? Bul jańalyqty óziniń feısbýk paraqshasynda  Nazerke Serikqyzy jarıalady.

–Bıyl baýyrym (inim) 6 synypqa qadam basty. Biraz buryn alǵan oqý quraldaryn túgeldep erteńgi sabaǵyna daıyndalyp jatqanbyz. Penalyn, áp-ádemi qaryndashtaryn, syzǵyshtaryn kórsetip máz bolyp jatty. Biraq meniń kózim penaldyń ishindegi globýsqa tústi. Sóıtsem, ol globýstyń beınesindegi #ushtaǵysh (tochılka) eken. Shirkin-aı, bizdiń kezde, bizdiń ata-anamyzdyń kezinde bundaı keremet dúnıeler bolmady ǵoı. Súp-súıkimdi jaratylys eken dep qolyma ustap turyp ishinen Qazaqstan degen jazýdy izdeı bastadym. Senesiz be? Álem kartasynyń ishinde #Qazaqstan JOQ?‍♀️? Al endi jynyń kele me, kelmeı me? Qazaǵym erkindik, táýelsizdik jaıly aıtyp, sharq uryp, azattyq pen ádildik izdep júrgende álem kartasynan joǵalyp bara jatqanymyzdy sezbeı de jatyrmyz?. Eger siz shynymen urpaq úshin alańdaıtyn bolsańyz ul-qyzyńyz ben ini-qaryndasyńyzǵa týǵan eli týraly jıi aıtyńyz☝️. Bul usaq dúnıe dúnıe emes. Salǵyrt ta qaraýǵa bolmaıdy. Ótirik qazaqpyn dep keýdeni ura bermeı, ispen dáleldeńder?. Al men baýyryma «myna ushtaǵyshynyń ornyna basqasyn alyp beremin» dep sheshtim!»,– deıdi óziniń jazbasynda Nazerke Serikqyzy.

Avtordyń pikiriniń astyna jazba qaldyrǵandar "Mundaı dúnıe keden beketinen qalaı ótip ketken?", "Tıisti oryndar buǵan salǵyrt qaramaýy tıis", "Muny bulaı qaldyrýǵa bolmaıdy" dep óz pikirlerin bildirgen..