Prezıdent, elge qulaq as!
Ulardaı ýlap-shýlaǵan.
Jaıdan-jaı jurtyń jylamas,
Júregi atsha týlaǵan!
Baramyn deısiń Qytaıǵa,
Arqalap aýyr mindet-júk.
Qytaıda jatyr kúsh-aıla,
Beredi emsiz indet qyp.
Halqyńdy tyńda, odanda,
Elbasyn emes kúni ótken.
Sarqyldy sabyr, adamda,
Qazaqylyqpen kúzetken.
Qaıtesiń qytaı zaýytyn,
Kúnimiz qarap qalyp pa?
Qazaqtyń sen de jaýysyń,
Qul bolsań "qytaı-alypqa".
Jarqyrap turǵan jaryq kún,
Keń baıtaq jeriń táýelsiz.
Qytaıǵa kónseń ǵarip shyn,
Óksikpen kúnde ólermiz.
Erkek bol, er bol, Toqaev!
Antyńa adal adam bol!
Otyra berme, shoqaıyp,
El qorǵa, basty qadam sol!
Prezıdent, sózge qulaq as!
Qytaı ma baqyt ólshemi?
Eýropamen aralas,
Eńkeıtpe, ez bop eńseni!
Beıjinniń málim pıǵyly,
Jerińe seniń qyzyqqan.
35 zaýyt syılyǵy,
Qylburaý salyp quryqtan.
Qylǵyndyryp buraıdy,
Investısıa áreket.
Kók týyń kúlge qulaıdy,
Bıleıdi saıtan páleket.
Osyny kórmeı ne boldy?
Aıdahar jutar jeti bas.
Kelip tur, aıtyp"bol-boldy",
"Toqaev,"toq-toq!" esik ash!"
Jýytpa, jeter, jolatpa,
Qytaısyz atar tań kúlip.
Jarmasty san bıt balaqqa,
Órmelep basqa, qańǵyryp.
Qazaǵyń — janyń, júregiń!
Janashyr basqa kimiń bar?
Qazaǵyń — qanyń, tiregiń!
Qazaqpen ǵana kúniń bar!
Áýeli — Alla, sodan soń,
Halqyń ǵoı arqa súıeriń!
Qara qytaıǵa orman qol,
Esiktiń ashpa tıegin!
Sóz tyńda, Qasymjomartym,
Qyryq kisilik aqylmen.
Iter-qyljyńdy doǵarǵyn,
Sanasqyn, bizdeı paqyrmen!
Halyqtan asqan eshkim joq,
Elińdi tyńda, Prezıdent!
Ózekti órtep estim ot,
Táýelsizdik! Otan! Jer úshin,
El úshin qanym tógilsin!
Oılanyp jatpan, jan pıda!
Erlerde basqa sezim joq!
Elińde basqa sezim joq!
Meniń de basqa sózim joq!