Tanymal qazaqstandyq telejúrgizýshi Dınara Sátjan "Agentstvo "Habar" AQ bas prodúseri bolady dep habarlaıdy Qamshy.kz aqparat agenttigi Tengrinews.kz saıtyna silteme jasap.

"Men Erlan Bekhojınniń osy laýazymǵa qabyldaý usynysyna kelistim. Resmı taǵaıyndaý kúni buıryqqa qol qoıylǵannan keıin belgili bolady", - dedi Sátjan.

Dınara Sátjan - qazaqstandyq jýrnalıs, telejúrgizýshi, fashion-prodúser, qazaqstandyq mýltıbrend dúkender jelisiniń ıesi, sondaı-aq Dinara Satzhan Fashion Group brendiniń ıesi ári bloger. "Habar" telearnasynda jańalyqtar júrgizýshisi bolyp keńinen tanymal boldy.

"Qazaqstan arýy-2008" baıqaýynyń jeńimpazy, "Statýs QUO" jáne "Sky Stýdıa" baǵdarlamasynyń avtory jáne júrgizýshisi. 2017 jyly "Qazaqstan" TRK Basqarma tóraǵasynyń keńesshisi retinde Qazaqstan Ulttyq telearnasynyń rebrendıngimen aınalysty.

2019 jyldan bastap Nur-Sultan qoǵamdyq keńesiniń múshesi, sondaı-aq Astanadaǵy Kazakhstan Fashion Week jobasynyń seriktesi bolyp tabylady. "#Dınara Sátjanmen Nemıshlen" jobasynyń avtory jáne júrgizýshisi.