Qyrǵyzstannyń eks-prezıdenti Almazbek Atambaev 8 tamyzda ustalǵannan keıin keshe abaqtynyń ar jaǵynan jurtshylyqqa qol bulǵady dep jazady Qamshy.kz aqparat agenttigi.  Bul týraly qyrǵyzdyń kg.akipress.org aqparat agenttigi habarlady.

Atap óter bolsaq, keshe Ulttyq qaýipsizdik komıtetiniń ǵımaratynda Bishkek qalalyq sotynyń kóshpeli otyrysy ótken. Ulttyq qaýipsizdik komıtetiniń ǵımaratyna kelgen Atambaevtyń jaqtastary ony terezeniń aldynan baıqap alǵan. Eks-prezıdent jınalǵan bir top adamdarǵa qarap qol bulǵaǵan.

Eskerte keteıik, qazirgi ýaqytta Atambaevqa aıyp taǵylyp, oǵan qatysty sot aldy tergeý jumystary júrip jatyr.

Eks-prezıdentti kórýge onyń zaıyby Raısa Atambaeva men onyń uly Qadyr da birge erip kelgen. Biraq olar Almazbek Atambaevty kóre alǵan joq. Tek olar eks-prezıdenttiń qol bulǵaǵanyn  ǵana  baıqaǵan. Bul beınekórinisti Aprel telearnasynyń jýrnalıseri túsirip alǵan kórinedi.

Aıta keteıik, Almazbek Atambaev 8 tamyz kúni Qoı-Tashtaǵy úıinde qolǵa túskeni belgili. Onyń jaqtastarymen atys barysynda bir adam qaza taýyp, birneshe kisi jaralanǵan. Qazir Atambaevty qamaý merzimi 26 qazanǵa deıin uzartyldy. Búginde tergeý amaldary júrgizilýde.