Qazaqstan Respýblıkasy Prezıdentiniń baspasóz hatshysy Berik Ýálı jańa qyzmetke saılandy dep habarlaıdy Qamshy.kz aqparat agenttigi  ptrk.kz saıtyna silteme jasap.

Prezıdent baspasóz hatshysy Berik Ýálı «QR Prezıdentiniń Teleradıokesheni» KEAQ Dırektorlar keńesiniń tóraǵasy bolyp saılandy. 

Berik Ýálı 1977 jyly týǵan. Júrgenov atyndaǵy Qazaq memlekettik teatr jáne kıno ınstıtýtyn «Kınotanýshy» mamandyǵy boıynsha, sondaı-aq, ál-Farabı atyndaǵy Qazaq ulttyq ýnıversıtetiniń «Jýrnalısıka» mamandyǵy boıynsha magıstratýrasyn jáne Qazaq gýmanıtarlyq-zań ınovasıalyq ýnıversıtetin «Quqyqtaný» mamandyǵy boıynsha bitirgen.

Eńbek jolyn «Tań» telekompanıasy aqparattyq baǵdarlamasynyń korespondenti bolyp bastaǵan, «NTK» telearnasynyń shyǵarýshy redaktory, «31-arnada» jaýapty jáne bas redaktor, «Habar» agenttiginiń aqparattyq baǵdarlamalarynyń redaktory-jetekshi, Qazaqstan telearnasynyń «1-stýdıa» tok-shoýynyń júrgizýshisi, «Nur Medıa»Sybaılas jemqorlyqqa qarsy medıa ortalyǵynyń basshysy bolyp jumys istedi. Baspasóz qyzmetiniń basshysy, Ońtústik Qazaqstan oblysy ákimi apparaty basshysynyń orynbasary, Ońtústik Qazaqstan oblysy ishki saıasat jáne din isteri basqarmasynyń basshysy, «Nur Otan» partıasy tóraǵasynyń birinshi orynbasarynyń keńesshisi, «Nur Medıa» JSHS Baqylaý keńesiniń tóraǵasy, Mınıstrdiń keńesshisi, QR Investısıalar jáne damý mınıstrligi aqparattyq qamtamasyz etý departamentiniń dırektory, Jambyl oblysy ishki saıasat basqarmasynyń basshysy qyzmetterin atqarǵan. 2019 jylǵy naýryzda Memleket basshysynyń ókimimen Qazaqstan Respýblıkasy Prezıdentiniń baspasóz hatshysy bolyp taǵaıyndaldy. «Daryn» memlekettik jastar syılyǵynyń laýreaty.