Tanymal ánshi Nurjan Kermenbaev óziniń Instagram paraqshasy arqyly oqyrmandardan otbasyna til tıgizbeýlerin surady dep jazady Qamshy.kz aqparat agenttigi. 

"Sýyt habardy estip jatyrmyz. Imandy bolǵaı. Artyq áńgime aıtyp, otbasyma til tıgizbeýlerińizdi suraımyn.
Kezinde "Arnaý" dýetiniń eks-solısti bolǵandyqtan da maǵan kóptegen sms, hattar joldanýda. Sondyqtan qoǵamnyń aldynda óz oıymdy jazýdy jón kórdim. "Nurjan sen aqsha qaryzsyń qaıtar" dep saırańdap júrgenderge aıtarym: bos sóz sóılep, óz bastaryńyzǵa kúná jınamaı-aq qoıyńyzdar. Sebebi Janar ekeýimizdiń ortaq dostarymyz bar. Sol kisiler arqyly Janar menen keshirim suraǵan. Men Nurjanǵa jala japtym, keshirim surashy meniń atymnan degen edi. Qazirgi tańda moda bolyp ketken haıp úshin aıtqanyn jetkizdi. Sol ortaq dostarymyz kýá. Meniń Janarǵa renishim joq. Sondyqtan keshirýdiń de orny joq degen bolatynmyn. Bos sózge áýre bolǵansha óz ómirimizdiń de sońy bar ekenin umytpaıyq. Bir-birimizge jala jaýyp, ǵaıbat aıtyp,kúná jınaǵansha, óz ómirimizdiń de dám-tuzy taýsylatynyn umytpaıyq aǵaıyn. Shákárimniń sózderi osy kezde oryndy bolar:
Bireýdiń minin tergenshe,
Jamandyǵyn kórgenshe,
Óz oıyńdy mazalap,
Óz boıyńdy tazalap,
Ózińmen kúres ólgenshe... 
Janardyń otbasyna,aǵaıyn-týys,baýyrlaryna qaıǵyryp kóńil aıtamyz. Jatatyn jeri jaıly,topyraǵy torqa bolǵaı", - dep jazdy Nurjan Kermenbaev.