Búgin, 21 qyrkúıekte túski saǵat 14.00 shamasynda Almatydaǵy "Astana" alańynyń mańynda  polısıa men arnaıy jasaq sol mańǵa jınalǵan adamdardy ustady. Qamshy.kz aqparat agenttigi tilshisiniń habarlaýynsha, ustalǵandar sany 30-dan asqan. 

Azamatar jınalǵan mańǵa aldymen  jergilikti bılik pen prokýratýra ókilderi kelip, olarǵa "jınalyp turǵandary  zańsyz ekenin aıtyp", úılerine taraýyn talap etti.

Ákimdik ókilderiniń aıtqanyna keıbir azamatar "jaı júrmiz", "serýendeýge keldik" dep jaýap berdi. Al keıbiri "qazirgi bılikke qarsy" ekenderin aıta bastaǵanda, olardy polısıa ustaı bastady. Ustalǵandardyń arasynda jas 60-tan asqan azamattar da bar. Ustalǵandar "Qazaqstar, kómektesińder!", "Satqyndar" dep aıqaılady. 

Polısıa 30-dan asa adamdy ustaǵan soń jınalǵandar taraı bastady. Arnaıyq jasaq "Astana" alańyna qatynaıtyn barlyq kósheni qorshap, turǵyndardy kirgizbeı tur.