Qadyr Ǵınaıatuly Myrzalıev, Qadyr Myrza Álı (1935 2011) — aqyn, Qazaqstannyń halyq jazýshysy, Memlekettik syılyǵynyń ıegeri.
Qamshy.kz aqparat agenttigi kóziqaraqty oqyrmandaryna aqynnyń danalyq sózderin usynady.
Eshkimniń esigin teýip ashpa!
***
Túsinbegen shákirt suraq qoımaıdy.
***
Qarańǵyda kóleńke bolmaıdy.
***
Sarańnyń jıǵany janazasyna ketedi.
***
Tasbaqaǵa burshaq túgil, tas jaýsa da báribir.
***
Kósip sóıleıtinmen halyqqa,
Bósip sóıleıtinmen balyqqa barma!
***
Qaıyrshyǵa kósheniń bári bir.
***
Aspanmen tiresken qaqpa sala alsań da,
Eldiń aýzyna qaqpaq qoıa almaısyń.
***
Gúl joq jerde kóbelek bolmaıdy.
***
Búkir adam qap arqalamaıdy.
***
Túımedeı iske de túıedeı aqyl kerek.
***
Dańq qýǵanǵa jetkizbeıdi,
Qashqannan qalmaıdy.
***
Jylaı-jylaı bergenińdi,
Qýana-qýana qaıyrasyń.
***
Jaǵympaz qashanda jeńimpazdyń jaǵynda.
***
Jasyq jigitten shymyr shal artyq.
***
Aqshań joqta aǵaıynyń da aınalyp ótedi.
***
Ittiń sheshesi bireý, ákesinde esep joq.
***
Tal túste óz kóleńkeń ózińe tyǵylady.
***
Qaltań keńigen saıyn kóńiliń taryla túsedi.
(jalǵasy bar)
Oqı otyryńyz, ♦Qadyr Myrza Álıdiń qadirli sózi: "Biz bir-birimizge ómir súrgizbeı júrmiz"
