Bul týraly óńirlik komýnıkasıalar qyzmeti alańynda ótken brıfıńte Mańǵystaý oblystyq densaýlyq saqtaý basqarmasy basshysynyń orynbasary Lázzat Esenǵalıeva málimdedi

      Búkil álemde ımýndyq-profılaktıka ınfeksıalarǵa qarsy kúresýde eń tıimdi, únemdi jáne qoljetimdi bolyp tanylǵan. Qazaqstan Respýblıkasynda 19 ınfeksıalyq aýrýǵa qarsy vaksınasıalaý tegin júrgiziledi.  Balalardy ımmýndaý úshin dúnıejúzilik densaýlyq saqtaý uıymy sapaly vaksınalar satyp alynady.

            Oblysta  ótken  2018 jyly    20088 bala tiri týylyp, onyń  19147 (95,3%) balasyna BSJ ekpesi perzenthanalarda júrgizildi.  Al 2019 jyldyń 8 aıynda 13421 bala tiri týylyp, 12655 balaǵa BSJ ekpesi júrgizildi (93,6%).

Týberkýlezge qarsy vaksınasıalaý balalardyń arasynda týberkýlez menıngıti jáne dıssemırlengen týberkýlez sıaqty týberkýlezdyń aýyr jaǵdaılarynyń damýyna jol bermeýge múmkindik berdi. 2019 jyldyń sońǵy 8 aıynyń qorytyndysy boıynsha asa qaýipti jáne basqa da  karantındik  ınfeksıalar tirkelmegen.

Sońǵy 10 jylda týberkýlez aýrýynyń  kórsetkishi oblys deńgeıinde búgingi kúnmen salystyrǵanda 75,4% (381 jaǵdaıǵa), onyń  ishinde  jasóspirimder  arasynda 78,4%  (46 jaǵdaıǵa),  balalar arasynda 89,0% (44 jaǵdaıǵa) tómendep otyr. 

Bul derekter balalardy vaksınasıalaýdy qosa alǵanda týberkýlez boıynsha epıdemıologıalyq jaǵdaıdy turaqtandyrý boıynsha júrgizilip otyrǵan sharalardyń tıimdiligin rastaıdy.

Biraq, «Japan BCG Laboratory» (Japonıa) óndirýshi-zaýyty (BSJ) týberkýlezge qarsy vaksınany 35 elden keri qaıtaryp alýyna baılanysty Qazaqstanda týberkýlezge qarsy vaksınasıalaý qazirgi ýaqytta ýaqytsha toqtata turyldy.