«Qyrkúıek aıynyń aıaǵynda tapsyramyz dep josparlanǵan mádenı ortalyqtyń daıyndyq jumystary qarqyndy júrgizilip jatyr. Qazirgi ýaqytta aktileri, qurylysqa qajetti qujattary jasaqtalyp, tapsyrýǵa daıyndap jatyrmyz. Al kitaphana men mýzeı qurylysynyń aıaqtalý merzimi 2020 jyldyń aıaǵy»,- dedi Eldar Qýatuly.

Merdiger uıymnyń dırektory Rızabek Ótegenovtiń aıtýynsha, qurylysqa paıdalanylǵan materıaldar negizinen qazaqstandyq taýar óndirýshilerden. Biraq ishinara Reseı, Ońtústik Koreıa jáne Japonıa materıaldary bar. Murajaıdyń aldynda Ábish Kekilbaevtyń eskertkishi bolady. Jobanyń ınvestorlary ıtalándyq kompanıa. Eki myń oryndyq kitaphana men teatrdy biriktiretin bul ortalyq 10 ga aýmaqty qamtyp otyr. Joba avtorlary - elordalyq mamandar. Sondaı-aq kitaphanada 304 myń kitap bolady.

Aıta keteıik murajaıdyń ashylýy osy jyldyń 12 qazanyna josparlanǵan. Al kitaphana 2020 jyldyń jeltoqsan aıynda paıdalanýǵa beriledi dep josparlanýda.