Golovkın men Derevánchenko arasyndaǵy kezdesý basty jekpe-jek bolatyn boks keshin "Qazaqstan" jáne "Qazsport" telearnalary tikeleı efırde kórsetedi dep jazady Qamshy.kz aqparat agenttigi. 

boksshylardyń kezdesýi 5 qazan, senbi kúni (Nur-Sultan ýaqytymen 6 qazan) Nú-Iorktegi (AQSH) Madison Square Garden arenasynda ótedi. Qarsylastar buǵan deıin meksıkalyq Saýl Alvareske tıesili bolǵan IBF belbeýi úshin talasady. Boks uıymy Sergeı Derevánchenkomen jekpe-jekti ýaqytynda kelise almaǵandyqtan Alvaresten IBF tıtýlyn tartyp alǵan bolatyn.

"Qazaqstan" teleradıokesheni jekpe-jekti translásıalaý quqyǵyn satyp aldy. Ýaqyt beldeýlerindegi aıyrmashylyqty eskergende, jekpe-jektiń tikeleı efıri Nur-Sultan ýaqytymen 6 qazan kúni saǵat 05:00-de bastalady. Keshtiń basty keıipkerleri rıngke elorda ýaqytymen tańǵy 9-da shyǵady degen boljam bar.