Ortalyq sarapshylary derekterine súıensek, osy jyldyń 9 aıynyń qorytyndysy boıynsha eńbek naryǵynda 3,3 myńnan astam kúzetshi jumys orny bos qalǵan. Tapshy mamandardyń úzdik bestigine tárbıeshiler (1,5 myńnan astam bos oryn), daıashylar (1,5 myń), satýshy-kassırler (1,3 myń) jáne tárbıeshi kómekshileri (1,2 myń) kiredi.

Eń suranysqa ıe mamandyqtardyń ondyǵyna sanıtarlar, júk kóligi júrgizýshileri, orta mektep muǵalimderi, jol jumysshylary, satýshy-keńesshiler kirdi. «Respýblıka boıynsha eńbek naryǵyndaǵy suranys aıtarlyqtaı erekshelenedi, al kúzetshilerdiń jalpy bos oryndar sanynyń úshten ekisi 2 óńirge tıesili ekenin aıta ketý kerek. Ol - Qostanaı oblysy (1050 bos jumys orny) jáne Nur-Sultan qalasy (1034 bos jumys orny). Al Shymkentte kúzetshiler tapshy 25 mamandyqtyń tizimine de enbeı qalǵan. Elimizdiń ońtústik megapolısinde eń suranysqa ıe mamandar – orta mektep muǵalimderi (935 bos oryn) boldy» delingen habarlamada.

 Esterińizge salsaq, bıylǵy 6 aıdyń qorytyndysy boıynsha eńbek naryǵynda kúzetshilerdiń 4,4 myńnan astam jumys ornyna suranys bolǵan joq. Tapshy mamandyqtardyń úzdik bestigine (2.6 myńnan astam bos jumys orny) tazalaǵyshtar (2,3 myń), daıashylar (2,2 myń) jáne júk tasýshylar (2,1 myń) kirdi.