Prezıdenti Qasym-Jomart Toqaev "shengen" sıaqty TMD elderinde biryńǵaı vıza engizý máselesin qarastyrýdy usyndy. Memleket basshysy bul týraly Ashhabadta TMD memleket basshylary keńesiniń otyrysynda málimdegenin Qamshy.kz aqparat agenttigi habarlaıdy.

"Ókinishke qaraı, ulttyq vıza jáne kóshi-qon rejımderinde aıtarlyqtaı aıyrmashylyq bar. Olar TMD-daǵy birneshe elge birden barǵysy keletin sheteldik týrıser úshin qolaısyzdyq týǵyzýda. Men bul óte qıyn ekenin túsinemin.  Degenmen TMD aýmaǵynda shengen kelisimi tárizdi "dostastyq vızasy" degen shartty ataýmen biryńǵaı rejım engizý máselesin qaraýdy oılaný kerek shyǵar", –dep usyndy Toqaev.  

Onyń aıtýynsha, mundaı vıza dostastyq elderindegi týrızmniń damýyna yqpal etedi.

Toqaev árbir elde álemniń túkpir-túkpirinen týrıserdi tarta alatyn óziniń erekshe tabıǵı jáne tarıhı nysandary bar ekenin atap ótti.