Mıhal Bılek: Qazaq fýtbolshylary shetelde oınaý kerek Qazaqstan - Belgıa machy 0-2 esebimen qonaqtardyń paıdasyna sheshildi. Jeńilistiń sebebin bas bapker Mıhal Bılek túsindirdi dep jazady Qamshy.kz aqparat agenttigi inbusiness.kz deregine súıenip. 

– Ótken joly Qazaqstan quramasy Belgıadan iri eseppen jeńilgen edi. Al bul jolǵy oıynǵa kóńilińiz tola ma?

– Men jeńilispen aıaqtalǵan oıynǵa eshqashan kóńilim tolǵan emes. Degenmen fýtbolshylarym tapsyrmany oryndaǵysy keldi. Alańda jandaryn aıamaı óner kórsetti. Men sol úshin olarǵa alǵys aıtqym keledi. Belgıa álemniń úzdik komandasy ekenin umytpaýymyz qajet. 

– Azar, Mertens sekildi belgıalyq oıynshylardyń deńgeıi qazaq fýtbolshylaryna qaraǵanda anaǵurlym joǵary. Bizdiń oıynshylardyń da deńgeıi ósýi úshin ne isteý kerek?

– Eń aldymen, Qazaqstannyń oıynshylary sheteldiń birinshilikterinde oınaýy tıis. Mysaly, Reseı chempıonatyna baryp oınaýǵa bolady. Sosyn qazaq komandalary Eýrokýbokte kóbirek oınasa. Sonda deńgeıi kóteriledi, tájirıbe de jınaqtaıdy. 

– Oıynnan soń Belgıa qorǵaýshysy Tomas Mene "Islamhan Qazaqstan premer-lıgasynda oınaıdy" degenge senbeıtinin aıtty. "Ol fýtbolshynyń deńgeıi Eýropa birinshilikterinde oınaýǵa jetedi" degendi aıtty.

Siz qalaı oılaısyz?

– Iá, Islamhan – bizdiń quramanyń mańyzdy fýtbolshysy. Qazaqstandaǵy eń úzdik oıynshy. Ol búgin shabýylshynyń qyzmetin de atqardy. Men onyń Eýropanyń top lıgalarynyń birindi oınaǵanyn qalaımyn. 

Ermuhamed Máýlen