«Nur Otan» partıasy Tóraǵasynyń Birinshi orynbasary Baýyrjan Baıbek jáne Nur-Sultan qalasynyń ákimi Altaı Kúlginov eki jyl buryn «CA Garden Schools» jeke kompanıasynyń basqarýyna berilgen №54 mektep-lıseıdiń jumysymen tanysty.

Kórsetilgen merzim ishinde ınvestor jóndeý jumystary men materıaldyq-tehnıkalyq bazany jańartýǵa 100 mln. teńgeden astam qarajat saldy. Open-spase úlgisinde jumys isteıtin co-working alańdary, intellectum qosymsha bilim berý bólmesi jáne leksıaǵa, shyǵarmashylyqqa, medıaǵa arnalǵan úsh bólikten turatyn garden hub leksıa bólmeleri sıaqty jańa jumys alańdary ashyldy. Birinshi qabattaǵy dırektordyń kabıneti muǵalimder bólmesi bolyp qaıta jabdyqtaldy.    

Mektep dırektory Shákárim Seısenbaıdyń aıtýynsha, bilim berý júıesin jetildirý maqsatynda muǵalimder únemi biliktilik arttyrý kýrstarynan ótip turady. Mundaǵy muǵalimder mereke kúnderi kezekshilik jasaý sıaqty basqa da óz mindetterine kirmeıtin jumystarmen áýrelenbeıdi. Al mektep túlekteri elimiz ben shet elderdegi eń úzdik bilim ordalaryna oqýǵa tústi.   

«Nur Otan» partıasy Tóraǵasynyń Birinshi orynbasary óz sózinde, mekteptegi oń ózgeristerge bıznes engizgen menedjment júıesiniń arqasynda qol jetkizilgendigin jáne mundaı tájirıbeni basqa oqý oryndaryna taratýdyń mańyzdylyǵyn atap ótti.

«Eldegi adamı kapıtaldyń sapasy muǵalimderge jáne bilim berý deńgeıine baılanysty. Sondyqtan júıeni zańnamalyq deńgeıde jetildirý úshin, partıa tarapynan biz osyndaı bilim ordalarynyń sátti qadamdardyn zerdeleýdemiz. Sonymen qatar, Elbasy, «Nur Otan» partıasynyń Tóraǵasy N.Á.Nazarbaevtyń bastamasymen osy mamandyqtyń mártebesin kóterýge, muǵalimderge júktemeni azaıtýǵa jáne olardyń mindetine kirmeıtin jumystardy atqarýyna jol bermeýge  baǵyttalǵan «Muǵalimniń mártebesi týraly» zań jobasy jasaldy. Memleket basshysy Q.K.Toqaev aldaǵy tórt jylda muǵalimderdiń eńbekaqysyn eki esege kóterýdi tapsyrdy. «Nur Otan» muǵalimderge kómektesý, jaǵdaı jasaý jáne olardyń múddelerin qorǵaý úshin osy baǵytta belsendi jumys isteıdi» - dedi Baýyrjan Baıbek.