Qyzylorda qalasynda Demokratıalyq partıanyń kezdesýine arandatýshylar kedergi jasady dep jazady Qamshy.kz aqparat agenttigi. Bul týraly Janbolat Mamaı habarlady. 

"Qazir ǵana Qyzylordada bıliktiń "tıtýshkalary" Demokratıalyq partıanyń kezdesýine kedergi jasady. Arandatýshylar toby eshkimmen sóılesýge múmkindik bermedi, olarmen birge posterler alyp keldi jáne kezdesý bolmas úshin qoldarynan kelgenin jasady. Bizdiń bılik osylaı jumys isteıdi. Qazaqstanda eshqandaı demokratıalandyrý týraly aıtý múmkin emes. Toqaevtyń atynan sóılep júrgen adamdardyń aıtqannyń bári - aldaý jáne ótirik! Nazarbaev rejımi saıası básekelestikten, jańa saıası partıalar men qozǵalystardan qorqady. Partıanyń qurylýy úshin uıymdastyrý komıtetine kelgen arandatýshylyqtar men qysymdar osyǵan dálel bola alady", - dep jazdy Janbolat Mamaı óziniń feısbýk paraqshasyna.