Qazaqstannyń Birikken Ulttar Uıymyndaǵy ókili álemde zańsyz sottalǵandardy bosatý isimen aınalysatyn Freedom Now halyqaralyq uıymyna BUU keńesshisi mártebesin berýge qarsy shyqty. Bul týraly «Qamshy» portaly Azattyq saıtyna silteme jasaı otyryp habarlaıdy.

Jaqynda álemde zańsyz sottalǵandardy amnısıalaýmen  aınalysatyn Freedom Now halyqaralyq qoǵamdyq uıymyna BUU keńesshisi mártebesin berý máselesi BUU kóleminde talqylanǵan bolatyn. Onda Freedom Now-dy AQSH jáne ózge 28 el qoldaǵan. Al Qazaqstan, Reseı jáne Qytaı bastaǵan bastaǵan 9 memleket qarsy daýys bergen. Nátıjesinde, basym daýysqa ıe taraptyń yqpalymen  BUU túrli elderdegi zańsyz sottalǵandardy bosatý isimen aınalysatyn Freedom Now uıymyn akredıtasıalaǵan.

Freedom Now uıymy saıtyndaǵy habarlamada 20 shildede BUU-nyń ekonomıkalyq jáne áleýmettik keńesi Freedom Now uıymyna arnaıy keńesshi mártebesin bergenin aıtqan. ECOSOC-qa múshe 54 eldiń 29-y Freddom Now-ǵa keńesshi mártebesin berý qararyn qoldap, toǵyzy qarsy daýys bergen, 11 memleket qalys qalǵan.

Freedom Now uıymyna qarsy daýys bergender qatarynda Qazaqstan, Qyrǵyzstan, Qytaı, Reseımen qatar Bolıvıa, Pákistan, Sýdan jáne Ońtústik Afrıka memleketi bar. Qalys qalǵan 11 el arasynda Úndistan bar.

Meran Terner, Freedom Now-dyń atqarýshy dırektory:

-Qazaqstannyń uıymǵa nelikten qarsy daýys bergenin túsine almadym. Qazaqstannyń Fredoom Now uıymyna keńesshi mártebesin berýge qarsy shyǵýyna uıymnyń buǵan deıin Qazaqstanda júrgizgen jumysy sebep bolýy múmkin. Mysaly, Freedom Now "Alma-Ata Info" gazetiniń burynǵy bas redaktory, 2009 jyly "memlekettik qupıasy bar málimetterdi zańsyz saqtap, taratty" degen aıyppen úsh jylǵa sottalǵan Ramazan Esirgepovtiń bosap shyǵýyna sebepker bolǵan.  Buǵan qosa Astana Freedom Now-ǵa qatysty máselede Máskeý men Pekınniń saıasatyna ergen bolýy múmkin.

Nurzat Toǵjan