Ústimizdegi jyldyń 10 aıynda Qazaqstannan kóp mólsherde syrtqa qarjy aýdarylǵan. Bul týraly finprom.kz./ aqparattyq portaly habarlady dep jazady Qamshy.kz aqparat agenttigi. 

2019 jyldyń qańtar-qazan aılarynda sheteldik bankterge Qazaqstannan 540,4 mıllıard dollar qarjy aýdarylǵan. Bul ótken jylǵydan 8,2 paıyz kóp.

Al shetelden bizdiń elimizge kelip túsken qarjy 290,2 mıllıard teńge, bul ótken jylǵyǵa qaraǵanda 1 paıyzǵa azaıǵan.

Sonda Qazaqstannan qaı elderge qarjy aýdarylǵan? Birinshi orynda orystar, ekinshi orynda ózbekter tur. On aıdyń ishinde Reseıge 171,9 mıllıard teńge, al Ózbekstanǵa 119,6 mıllıard teńge aýdarylǵan.  Týrkıaǵa 75,5 mıllıard, Qyrǵyzstanǵa 70,5 mıllıarda teńge ketken kórinedi. Jalpy alǵanda syrt elderdiń bankterine aýdarylǵan aqshanyń 81 paıyzy atalǵan tórt elge tıesili bolyp otyr.

Al Reseıden Qazaqstanǵa 112,5 mıllıard teńge kelgen. Odan keıingi orynda Ońtústik Koreıa (54,5 mıllıard). Úshinshi jáne tórtinshi oryndy Ózbekstan (25) men Qyrǵyzstan (24 mıllıard) alyp tur. Demek, munyń barlyǵy alys- beris pen Qazaqstanda jumys istep jatqan jeke tulǵalar jáne óndiris, kásiporyndar arasyndaǵy saýda kórsetkishi bolsa kerek.