Qazaqstan prezıdenti Qasym -Jomart Toqaev baspana alý úshin zeınetaqy qorynan qazaqstandyqtardyń qarjy alýǵa múmkindigi baryn aıtqan. Biraq ol qalaı  júzege asady?

Ázirge bul jobanyń oryndalý tetigi jasalynǵan joq, dep jazady Qamshy.kz aqparat agenttigi. 

Májilis depýtaty Amanjan Jamalovtyń aıtýyna qaraǵanda, Eńbek jáne halyqty áleýmettik jaǵynan qorǵaý mınıstrligi munyń qalaı júzege asatynyna túsinikteme bere almaı otyr.

–Qazirgi qarastyrylyp jatqan joba bireý ǵana: Ol tek zeınetaqy qorynda qarjysy mol azamattarǵa ǵana qatysty bolyp otyr. Erler úshin -8,2 mıllıon, áıelder úshin -10,1 mıllıon teńge shamasynda. Eger jınalǵan qarjy atalǵan shekti merzimnen artyq bolsa, onda zeınetaqy qoryndaǵy qarjyny úı alýǵa paıdalanýǵa bolady. Demek, qazirgi esepke sensek, qazaqstandyqtardyń  90 myńy ǵana zeınetaqy qoryndaǵy qarjysynyń bir bóligin baspana alýǵa paıdalana alady. Bul turǵyndardyń arasynda narazylyq týǵyzýy múmkin. Sondyqtan da halyqqa neǵurlym yńǵaıly basqa da nusqalardy qarastyrý kerek, –dedi Májilis depýtaty Amanjan Jamalov.