Resmı organdardyń ózi oqıǵa túnniń ortasynda oryn alǵandyǵyn moıyndap otyr. Al tańǵy 6-7-ge deıin resmı aqparat quraldaryn sonyń ishinde barshaǵa qoljetimdi TV arqyly eshbir habar bolmady!
Máselen, óz basym alǵashqy aqparatty Feısbýktegi dostardan oqyp, bildim. Al eger kúni erteń osyndaı tótenshe jaǵdaıda ınternet istemeı, elektr qýaty ajyratylyp qalǵanda ne bolady? El aqparatty qaıdan alady?
Sol saǵattarda naqty aqparat ala almaǵan almatylyqtar ne isterin, qaıda bararyn bilmeı, abdyrap qaldy! Nege osyndaı tosyn oqıǵalarǵa qatysty aqparat elge aldyn-ala taratylmady? Nege kúni buryn tıisti jattyǵýlar ótkizilmedi?
Bılik taýdaǵy "morenalyq" kól erneýinen asyp, tasqyn tómen qaraı jóńkidi, al sý bógeti buzylǵan joq deıdi. Biraq tasqyn sý qalanyń tómen jaǵyna deıin jetti ǵoı. Bul degenińiz sol bógettiń ózinde bir kiltıpan bar degen sóz!
Al basqa "morenalyq" kólderdiń bolashaǵy qandaı? Olardyń sany qansha, qashan erip, tómen qaraı aǵýy múmkin? Jáne de ol tasqynǵa tosqaýyl bolýǵa tıis bógetterdiń jaǵdaı qandaı? Osynyń bári týraly kim aıta alady?
Bizdiń TJ organdary oqıǵanyń sońynan salpańdap júrýdi qashan qoıady? Qanshama kún Almatyda kún kúıip tur, osynyń bári taýdaǵy kólderge óz áserin tıgizetini o bastan-aq belgili bolmady ma? Nege oqıǵanyń aldyn almady? Ol úshin ártúrli
gıdrotehnıkalyq amaldar bar emes pe?!
Ázirshe osy!
Bir páleden aman qalǵan sıaqtymyz.
Osydan bılik bir jaqsylap sabaq alsa degenim ǵoı.
Al kún bolsa, áli de qaınap tur.
Morenalyq kólder bar ekenin endi bilgen el sol jaqqa mazasyzdana qarap qoıady.
Bálesi aýlaq! El aman, Almatym aman bolsyn!
PS. Osyndaı búkil eldi biriktirýge tıis sátterde bastyqtardy tikushaqtan bárin baqylap júrdi. "Tynyshtyq saqtańyzdar! Bári durys bolady!" dep qaǵaz taratty. Menińshe, ákimder jurtpen birge laı keship, bar qıyndyqty elmen bóliskende ǵana ǵana bári tynysh bolady!
Ámirjan Qosanov, facebook
