Prezıdent Qasym-Jomart Toqaev sapaly bilim berý úshin kóbeıip ketken joǵary oqý oryndaryn biriktirý nemese olardy tekserý týraly tapsyrma bergeni belgili.

Osy ýaqytqa deıin tekserýden ótken 5 oqý orny qyzmetin toqtatqany belgili. Oǵan endi taǵy bir joǵary oqý orny qosylýy múmkin. Bul týraly Bilim jáne ǵylym mınıstri Asqat Aımaǵambetov úkimettiń jıynynda málim etti, dep jazady Qamshy.kz aqparat agenttigi. .

–Biz osy ýaqytqa deıin respýblıkadaǵy 5 joǵary oqý ornynyń lısenzıasyn toqtattyq. Endi taǵy bir joǵary oqý ornynyń lısenzıasynan aıyrý týraly sotqa is qaǵazdaryn joldadyq. Atalǵan oqý ornynda  zań burmalaýshylyqtar kóp. Bilim prosesi jetkilikti dárejede ótkizilmeıdi. Stýdentter sabaqqa qatyspaıdy. Oqytýshylar da tolyq emes. Basqa da zań burmalaýshylyqtar bar. Bul Shymkenttegi oqý oryndarynyń biri,– dedi Bilim jáne ǵylym mınıstri Asqat Aımaǵambetov.

Biraq ol Shymkenttegi qaı oqý orny? Bul týraly Bilim mınıstri ashyp aıqan joq. Asqat Aımaǵambetov  joǵary oqý oryndary ózdiginen jabylǵany jón nemese olardyń biriktirilgeni durys degen pikirde. Aımaǵambetov sonymen qatar, keıbir oqý oryndarynyń kolejge aınalý múmkindigin de joqqa shyǵarmady.