«Ushaq apaty bolǵan jerde apattyq-qutqarý jumystary aıaqtaldy». Bul týraly Almaty qalalyq Tótenshe jaǵdaı departamenti basshysy Erlan Álibekov málim etti dep jazady Qamshy.kz aqparat agenttigi. 

–Qazir qutqarý jumystaryna qatysty barlyq jumys aıaqtaldy, Ushaqta eshkim qalǵan joq,– dep málimdedi Erlan Álimbekov.

Onyń aıtýyna qaraǵanda, apat oryn alǵan jerde qandaı da bir órt shyǵý deregi baıqalmaǵan. 

Qutqarý jumystaryna 776 azamat qatysty, 119 tehnıka kómekke keldi. Almaty qalasynan 35 jedel-járdem brıgadasy, Almaty oblysynan 16 jedel járdem kóligi, sonymen qatar 116 medısınalyq qyzmetkerler apat aımaǵyndaǵy zardap shekkenderge kómekke keldi.

Erlan Álibekovtyń deregine qaraǵanda, 15 adam qaıtys bolǵan, 66 adam zardap shekken, onyń ishinde 50-i aýrýhanaǵa jatqyzyldy, 12 adam áli de aýyr halde kórinedi. 

...Qamshy.kz aqparat agenttigi ushaq apatynan qaza tapqandarǵa kóńil aıtyp, zardap shekkenderdiń tezirek saýyǵyp ketýin tileıdi.