Indýstrıa jáne ınfraqurylymdyq damý mınıstrliginiń baspasóz qyzmeti qaza tapqan Bek Air ushaǵynyń ekıpaj músheleriniń aty-jónderin atady dep jazady Qamshy.kz aqparat agenttigi. 

Vedomstvo baspasóz qyzmetiniń málimetinshe, ekıpajda ushaqtyń 58 jastaǵy kapıtany Marat Muratbaev, 1965 jyly týǵan ekinshi ushqysh Meıirjan Moldaqulov,  bortserikter – M. Valıýlına, M. Sahov, R. Osmanov bolǵan.  Ushaq kapıtany    Marat Muratbaev qaza tapqan.

Búgin, 27 jeltoqsanda tańǵy ýaqytta Almatydan Nur-Sultan qalasyna ushyp shyqqan ushaq radardan joǵalyp ketkeni habarlanǵan. Áýejaı baspasóz qyzmetiniń málimetinshe,  Almatydan Nur-Sultan qalasyna 2100 reısimen 07:05-te ushyp,  radardan joǵalyp ketken «Bek Air» áýe kompanıasynyń ushaǵynyń bortynda 95 jolaýshy jáne 5 ekıpaj múshesi bolǵan. Sońǵy aqparat boıynsha, qaza tapqandar sany 15-ke jetken. Olardyń 14-i apat bolǵan orynda qaza tapsa, bireýi aýrýhanada kóz jumǵan. 

Qazaqstan prezıdenti Qasym-Jomart Toqaev Almatydaǵy ushaq apatyna baılanysty 28 jeltoqsandy ulttyq aza tutý kúni dep jarıalady.