Aqmola oblysynda stýdent sabaq ústinde altynshy qabattan sekirip ketti, dep jazady Qamshy.kz aqparat agenttigi oblystyq polısıa departamentiniń  baspasóz qyzmetine silteme jasap.

Departamenttiń habarlaýynsha, oqıǵa búgin túski ýaqytta bolǵan. 

"Búgin saǵat 13.15-te belgisiz adam telefon arqyly habarlasyp, jas jigittiń Shoqan Ýálıhanov atyndaǵy Kókshetaý memlekettik ýnıversıtetiniń altynshy qabatynan sekirgeni týraly aıtty. Oqıǵa ornyna jetken jedel tergeý toby qulaǵan adamnyń osy bilim ordasynyń stýdenti ekenin jáne sabaq ústinde altynshy qabattaǵy aýdıtorıanyń terezesinen sekirgenin anyqtady" delingen vedomstvo taratqan habarlamada.

Polısıa departamentiniń málimdeýinshe, zardap shekken stýdent jedel járdem qyzmetiniń kómegimen aýrýhananyń jansaqtaý bólimine jetkizildi. Qazirgi kezde oqıǵanyń mán-jaıy anyqtalý ústinde.