Nur-Sultanda etnomádenı birlestikterdiń jetekshilerimen kezdesý ótti. Bul týraly Qazaqstan halqy assambleıasynyń baspasóz qyzmeti habarlaıdy. 

Kezdesý barysynda assambleıa tóraǵasynyń orynbasary Janseıit Túımebaev elimizdiń Konstıtýsıasy etnıkalyq, násildik, dinı jáne basqa da múshelikke qaramastan, barlyq azamattardyń múddelerin qorǵaýǵa kepildik beretinin atap ótti.

Sondaı-aq ol jaqynda ǵana oryn alǵan Qordaıdaǵy ultaralyq janjal týraly óz pikirin bildirdi. 

– Qylmys ultqa jatpaıdy. Barlyq kináliler zańǵa sáıkes jazalanady. Bul sózsiz. Qaqtyǵystyń sebepterin memleket tolyq túsinip, máseleni sheshýdiń joldaryn qarastyrýda, – dep atap ótti Túımebaev.

Otyrysta sonymen qatar qoǵamdyq kelisim men ulttyq birlikti nyǵaıtý, ultaralyq qarym-qatynas negizi retinde memlekettik tildi úırený, ulttyq tarıhı sanany damytý jáne t.b. birqatar mindetter qaraldy.