Elbasynyń baspasóz hatshysy Aıdos Úkibaı Nursultan Nazarbaevtyń densaýlyǵy týraly qaýesetti joqqa shyǵardy.  

"Qatań karantın jaǵdaıynda elbasynyń jumys kabınetine adam kirgizý shektelý kerektigin túsiný qajet. Alaıda shekteýlerge qaramastan, baspasóz qyzmeti halyqty tuńǵysh prezıdenttiń qyzmeti týraly ýaqtyly habardar etýge tyrysady. Biz eshqashan qaýesetterge túsinikteme bermeımiz. Alaıda sońǵy ýaqytta jekelegen tulǵalar eldegi jaǵdaıdy turaqsyzdandyrý boıynsha, sonyń ishinde elbasynyń densaýlyǵyna qatysty jalǵan derekterdi taratý arqyly belsendi áreket jasap jatyr. Munyń bári arandatýshylyq jáne ótirik.

Nursultan Nazarbaevtyń densaýlyǵy jaqsy ekenine sendirgim keledi, ol karantın jaǵdaıynda da Otan ıgiligi úshin jumysyn jalǵastyra beredi. Al kimde-kim kúmándansa, onda keshe elbasy sóılesken kez kelgen ákimnen bul týraly suraýǵa bolady", - dep habarlady Aıdos Úkibaı.