AQSH prezıdenti Donald Tramptyń oıynsha, Beıjiń qarasha aıynda ótetin prezıdenttik saılaýda onyń jeńilgenin qalaıdy. Bul týraly Qamshy tilshisi The Guardian basylymyna silteme jasap habarlaıdy.

AQSH prezıdentiniń aıtýynsha, ony qarasha aıynda qaıta saılaný quqyǵynan aıyrý úshin qytaı bıligi "qolynan kelgenniń bárin isteıdi".

– Onyń bir dáleli – qytaıdyń koronavırýsty qoldanýy, – dedi Tramp.  

Tramp kúzdiń sońynda bolatyn prezıdenttik saılaýǵa Beıjińdi alǵash ret baılanystyrdy.

– Qytaı meni osy básekeden aıyrý úshin qolynan kelgenniń bárin jasaıdy,– dedi ol. Tramptyń oıynsha, Beıjiń demokrattardyń kandıdaty Djo Baıdenniń saılaýda jeńiske jetýin qalaıdy. 

27-28 sáýirde ótken Reuters / Ipsos saýalnamasyna sáıkes, amerıkalyqtardyń 43%-y Tramptyń pandemıa saıasatyn qoldaǵan.

AQSH prezıdenti Reuters agenttigine bergen suhbatynda demokrat qarsylasy Djo Baıdenniń prezıdenttikke úmitkerler arasynda kósh bastap turǵanyn kórsetetin saýalnamalarǵa senbeıtinin aıtty.

– Men saýalnamalarǵa senbeımin. Men bul eldiń halqy aqyldy dep sanaımyn. Olar qabiletsiz adamdy saılaıdy dep oılamaımyn, – dedi Tramp.