Elbasy – Qaýipsizdik Keńesiniń tóraǵasy Nursultan Nazarbaevtyń baspasóz hatshysy Aıdos Úkibaı Qazaqparatqa bergen suhbatynda eldegi túpkilikti sheshimdi el prezıdenti qabyldaıtynyn aıtty.

– Elbasy Qaýipsizdik Keńesiniń Tóraǵasy. Sonymen qatar «Nur Otan» partıasy men Qazaqstan halqy Assambleıasyna jetekshilik etip otyr. Álbette osyǵan baılanysty ol eldiń saıası ómirine belsendi túrde atsalysyp, Memleket Basshysymen birge eldi strategıalyq turǵyda damytý jumystarymen aınalysady. Alaıda túpkilikti sheshimdi el Prezıdenti qabyldaıdy. Qaýipsizdik Keńesi de óz keńesin daıyndap, Memleket basshysyna engizedi, – dedi Aıdos Úkibaev.

Sondaı-aq ol qaýipsizdik keńesi ókilettigi sheksiz "sýper-memlekettik organ" degen "ańyzdy" joqqa shyǵaratynyn aıtty.

– Qaýipsizdik Keńesi músheleriniń joǵary laýazymdyq deńgeıi, sonymen qatar beriletin qarapaıym daýys boıynsha ulttyq qaýipsizdiktiń ózekti máseleleri boıynsha sheshim qabyldaýy onyń jumysynyń shoǵyrlandyrylǵan sıpatyn aıqyn kórsetedi. Qaýipsizdik Keńesiniń jumys organy – aýqymdy ári kózge kórine bermeıtin qoǵamdyq jumysty atqaryp otyrǵan Apparat bolyp sanalady. Onyń negizgi mindeti – Qaýipsizdik Keńesiniń, Qaýipsizdik Keńesi Tóraǵasynyń, Qazaqstan Respýblıkasy Prezıdentiniń jumysy aqparattyq-analıtıkalyq jáne uıymdastyrýshylyq turǵyda qamtamasyz etý. Apparat sondaı-aq ulttyq qaýipsizdiktiń ishki jáne syrtqy qaýipterin anyqtap, olardy eskertý jáne beıtaraptandyrý boıynsha sharalardy ázirleý mindetterin atqarady. Bul qaýipsizdik aspektilerine qaramastan bárine de qatysty, – delingen baspasóz hatshy suhbatynda.