Qytaı AQSH-pen qaıshylyqty kúsheıtetin ulttyq qaýipsizdik týraly jańa zańdaryn jarıalady. Bul týraly Qamshy tilshisi The New York Times Post-qa silteme jasap habarlaıdy.

– Qytaılyqtar Gonkongta bolǵan byltyrǵy demokratıalyq narazylyqtardan keıin ulttyq qaýipsizdik týraly jańa zańnamany engizýdi josparlap otyr, – dedi beısenbide Qytaı ókili.

AQSH prezıdenti Donald Tramp bul jańalyqqa Vashıngtonnyń qalany baqylaý jolynda "óte qatań" áreket etetinin aıtyp, eskertý berý arqyly jaýap qaıtardy. Sonymen qatar AQSH Memlekettik departamenti joǵary deńgeıdegi avtonomıa men adam quqyǵyn moıyndaý qajettigin, onyń AQSH zańdarymen qorǵalatynyn málimdedi.

AQSH zańdary boıynsha Gonkongtyń qorǵalýy qalaǵa álemdik qarjy ortalyǵy retindegi ornyn tabýǵa kómektesken.

Qarasha aıynda prezıdenttik saılaýǵa qaıta túsetinin málimdegen Tramp tilshilerge Qytaıdyń nıeti týraly egjeı-tegjeıli "áli eshkim bilmeıdi" dedi.

– Eger bir jaǵdaı bolsa, biz bul máseleni qatań túrde sheshemiz. Jańa jaǵdaılar men qajettilikke oraı, Ulttyq Halyqtar Kongresi (NPC) óziniń konstıtýsıalyq bıligin Gonkongta ulttyq qaýipsizdikti saqtaý jolyndaǵy jańa quqyqtyq qurylym men quqyq qorǵaý júıesin qurý úshin qoldanady, – dedi Tramp.

Ótken jyly AQSH prezıdenti maquldaǵan "Gonkongtaǵy adam quqyqtary jáne demokratıa týraly" zań jyl saıyn Gonkongta saýda sharttarynnyń jetkilikti derbestikke ıe bolýyn qadaǵalaıdy.