Aýyr atletıkadan Azıa chempıony jáne qola júldegeri, Azıa oıyndarynyń jeńimpazy jáne qola júldegeri Bahyt Ahmetov aýyr atletıkadan Qazaqstan quramasynyń bas bapkeri qyzmetine taǵaıyndaldy, dep habarlaıdy Qazaqstan aýyr atletıka federasıasynyń baspasóz qyzmeti.
Osyǵan deıin bul qyzmetti 2016 jyldan beri Iýrıı Melnıkov atqarǵan edi. Bahyt Ahmetov osyǵan deıin aýyr atletıkadan olımpıadalyq daıarlaý ortalyǵynda aǵa jattyqtyrýshy qyzmetin atqarǵan.
"2009 jyldan beri jastar komandasyn baptaǵan Bahyt Ahmetovtyń shákirtteri Olımpıada men álem chempıonaty, qurlyqtyq birinshilik pen halyqaralyq dodalarda el namysyn abyroımen qorǵap júr. 41 jastaǵy maman Jazıra Japparqul, Aleksandr Zaıchıkov, Karına Gorıcheva, Albert Lınder jáne Igor Son syndy sportshylardy ulttyq qurama sapyna qosqan" delingen aqparattyq habarlamada.
Pikir qaldyrý