«Qurmetti dostar, Halyqaralyq balalardy qorǵaý kúni qutty bolsyn.
Balalardyń tolyqqandy damýyna jáne jan-jaqty jetilýine jaǵdaı jasaý – «Nur Otan» partıasynyń negizgi basymdyqtarynyń biri. «Baqytty otbasy» jobasynyń aıasynda partıa Otbasy, áıelder máseleleri jáne balalardyń quqyǵyn qorǵaý jónindegi respýblıkalyq qoǵamdyq keńes qurdy. Osy keńestiń tek bir jyl ishindegi qyzmeti barysynda 1300 bilim berý, densaýlyq saqtaý jáne áleýmettik qorǵaý uıymdaryna tekserý júrgizildi. Balalar mekemelerinde jaǵdaıdy jaqsartý boıynsha usynymdar berildi.
Búginde depýtattarymyz Parlament Májilisindegi jumys toptary aıasynda balalar quqyǵyn qorǵaý jáne otbasy-turmystyq zorlyq-zombylyqpen kúres jónindegi zań jobasy boıynsha qyzý jumys júrgizip jatyr» - dedi Baýyrjan Baıbek.
Sondaı-aq, ol partıanyń bastamasymen otbasyndaǵy zorlyq-zombylyqty anyqtaý boıynsha jedel toptardyń iske qosylǵanyna toqtaldy.
«Birqatar óńirlerde kópbalaly analarǵa áleýmettik qoldaý, balalar men jasóspirimder úshin psıhologıalyq kómek kórsetý ortalyqtary quryldy, erekshe balalardyń ata-analaryn oqytý júrgizilýde.
Búgingi meıram – elimizdegi árbir balaǵa kóńil bólip, qamqorlyqqa bóleý úshin taǵy bir jaqsy múmkindik.
Balalar tárbıesi men qamqorlyǵyna ózderin arnaǵan jandarǵa shynaıy alǵysymdy bildiremin. Bizdiń ortaq mindetimiz – árbir qazaqstandyq búldirshinniń baqytty balalyǵyn qamtamasyz etý», - dep jazdy ol.