Almatyda mıtıń ótetin oryn retinde belgilengen Abaı eskertkishiniń mańyn polısıa qorshaýǵa aldy.

Buǵan deıin Demokratıalyq partıa qurý boıynsha bastamashyl top jetekshisi Janbolat Mamaı, Qazaqstanda ekstremıstik dep tanylǵan Qazaqstannyń demokratıalyq tańdaýy qozǵalysynyń jetekshisi Muhtar Áblázov qazaqstandyqtardy búgin, 6 maýsymda mıtıńke shyǵýǵa shaqyrǵan.

Abaı men Nazarbaev dańǵyldary qıylysyna temir qorshaý qoıylǵan.

Mıtıńke shyqqandar Abaı eskertkishine qaraı óte almaı tur. Polısıa qyzmetkerleri men arnaıy jasaq olardy ótkizbeı, jınalǵandardan taraýyn surap tur.

Alańǵa qaraı bettegen azamattar betperde taǵyp shyqqan.B

5 maýsymda Bas prokýratýra mıtıńtiń zańsyz ekenin eskertip, azamattardy mıtıńkeshyqpaýǵa shaqyrǵan. Sondaı-aq Almatynyń bas sanıtarlyq dárigeri Jandarbek Bekshın koronavırýs indetiniń taralyp ketpeýi úshin mıtıńke shaqpaýǵa úndegen.