Densaýlyq saqtaý vıse-mınıstri Lúdmıla Búrabekova ortalyq komýnıkasıalar qyzmetinde ótken brıfıńte Shymkentte koronavırýs qurbandaryn eske alý aksıasyna qatysqan dárigerler jazalanbaıtynyn aıtty.
Onyń aıtýynsha, densaýlyq saqtaý mınıstrligi indet qurbandaryn eske alýǵa arnalǵan fleshmobqa bastamashy bolmaǵan.
– Pandemıadan kóz jumǵandardy eske alý árbir azamattyń paryzy dep sanaımyn. Al dárigerlerdiń aksıaǵa qatysýy – Medısına qyzmetkerleri qaýymdastyǵynyń bastamasy. Densaýlyq saqtaý mınıstrligi retinde biz tek sanıtarlyq normalardyń saqtalýyn eskerttik. Araqashyqtyqty saqtap, maska kıýin qadaǵaladyq. Menińshe, bul jerde jaza taǵaıyndaý týraly másele bolmaýy kerek, – dedi Búrabekova.
Pikir qaldyrý