Medısına ǵylymdarynyń magıstri, dáriger Maqsat Ábdiqadyruly qytaılyq Lian hua Qing wen týraly óz Facebook paraqshasynda jazba qaldyrdy.

"Áleýmettik jelilerde dál osy jáne osyǵan uqsas dárilerdiń reseptteri qaptap júr. Osy jazbalarǵa baılanysty, dáriger retinde bizdiń tarapymyzǵa kóptegen suraqtar kelýde. Sondyqtan, men Maqsat Ábdiqadyruly jalpy medısına salasynda 30 jyldan asa, sonyń ishinde QHR medısına salasynda 17 jyldan asa jumys istegen Medısına ǵylymdarynyń magıstri, dáriger retinde preparatqa túsindirme berip ketýdi jón sanadym.

Lian hua Qing wen preparaty
Men Qytaıdaǵy áriptes mamandardan surastyryp jáne dári shyqqan zavodtyń kórsetkishterin tekserip kórdim. 2020 jylǵy 2 aqpanda Lian hua Qing wen preparaty Qytaı Halyq Respýblıkasynyń Densaýlyq saqtaý mınıstrligi sheshimi boıynsha jańa koronavırýsty dıagnostıkalaý jáne emdeý baǵdarlamasyna synaq retinde engizildi. 2020 jyldyń 4 sáýirinen bastap QHR klınıkalarynda koronavırýspen aýyratyn naýqastarǵa klınıkalyq tájirıbe retinde ǵana qoldanylyp jatqan dári. Klınıkalyq tájirıbeden ótip, resmı koronavırýsty emdeıdi degen statýs almaǵan. Iaǵnı, synaq retinde ǵana qoldanysta júrgen dári.
Preparat myna aýrýlardy emdeý kezinde qoldanylady:
- Tumaý;
- Sýanfaı bezgegi:
Jaǵymsyz áserleri:
1. Bul dárini qabyldaýmen qatar, basqa da dári-dármekterdi qabyldaý usynylmaıdy.
2. Balalar, júkti jáne bala emizetin áıelder, egde jastaǵy adamdar dáriger baqylaýymen qabyldaý kerek.
3. Gıpertonıa jáne júrek-qantamyr, baýyr, qantty dıabet, búırek aýrýlary sıaqty aýyr, sozylmaly aýrýlary bar adamdar da dárigerdiń baqylaýymen qabyldaýy kerek.
4. Dene qyzýy 38,5-den joǵary naýqastarǵa qabyldaýǵa bolmaıdy.