Qazaqstanda PTR-testileý sanyn arttyrý úshin respýblıkalyq búdjetten taǵy 42 mlrd teńge qajet. 

Densaýlyq saqtaý mınıstri Alekseı Soıdyń aıtýynsha, jyl sońyna deıingi epıdemıologıalyq jaǵdaıdy boljaý men PTR-zerthanalardy arttyrýdy eskere otyryp, respýblıkalyq búdjetten qosymsha qarjy bólý qajet.

Soı 1 tamyzǵa deıin testileý kúnine 35,6 myńǵa deıin artady dep málimdedi. Al 1 qyrkúıekke deıin densaýlyq saqtaý mınıstrligi men bilim jáne ǵylym mınıstrliginiń zerthanalaryn qaıta jaraqtandyrýdy esepke alǵanda – kúnine 64 myńǵa deıin jetedi.

– PTR-testileý boıynsha qyzmetterdi tóleýge respýblıkalyq búdjetten qosymsha 42 mıllıard teńge bólý qajet. 170 mıllıon teńge zertteý júrgizýge tartylǵan veterınarıalyq zerthanalardyń 67 mamanyna aqy tóleýge jumsalady, – dedi Soı.