«Qazaqstan» ulttyq arnasy «Sheteldegi qazaq balalary» atty  jańa jobany kórermen nazaryna usynady. Arnaıy joba 13 qazan kúni saǵat 17.20-da jaryqqa shyǵady»-dep habarlady «Qazaqstan» AQ» respýblıkalyq teleradıo kesheniniń baspasóz hatshysy Tanakóz Tolqynqyzy. Ulttyq arna tilshisi Janar Baısemizova Eýropa elderinde bolyp, sheteldikter asyrap alǵan qazaqtyń jetim balalarynyń taǵdyryn zerttep, turmys-tirshiligine qanyǵyp qaıtty.   1993 jyldyń 10-mamyrynda Gaagada qabyldanǵan «Balalardy qorǵaý jáne sheteldikterdiń bala asyrap alýyn qoldaý týraly» Konvensıa boıynsha jetimderimizdi óz azamattarymyzǵa tárbıeleýge berý múmkin bolmaǵan jaǵdaılarda ózge eldiń azamattarynyń qamqorlyǵyna berýge ruqsat etilgen. Osy zań negizinde sheteldikter Qazaqstannan  8 806 jetim bala asyrap alǵan. Olardyń  6 myńǵa jýyǵy – AQSH-ta, 725-i Ispanıada, 426-sy Belgıada turady. -Qazaqstanda sheteldikterdiń qazaq balalaryn asyrap alýy  eń kóp talqylanǵan taqyryp.  Qoǵam nazaryn aýdaryp otyrǵan máseleni zertteý týraly 6 jyl oılandym.  Biraq bul oıym  tek «Qazaqstan» ulttyq arnasyna kelgende júzege asty, - deıdi Janar Baısemizova. «Qazaqstan» ulttyq arnasynyń negizgi maqsattarynyń biri - ulttyq  múddeni qorǵaý.  Sheteldegi qazaq balalarynyń múddesin nazarda ustaý arqyly ulttyq arna óz ustanymyna berik ekenin taǵy bir dáleldedi. « Qazaqtyń balalary taǵdyrdyń jazýymen  qaı eldiń  azamattyǵyn alsa da, ol bizdiń qandasymyz bolyp qala beredi. Sheteldegi árbir qazaq balasy óziniń «Qazaqstan» degen otany bar ekenin bilip ósýi kerek»-deıdi jobaǵa qoldaý kórsetken korporasıa basshylyǵy. 13 qazan kúni saǵat 17.20-da  «Qazaqstan» ulttyq arnasynan «Sheteldegi qazaq balalary» atty  arnaıy jobany kórińizder.