23 shilde, beısenbi kúni Aqtóbe oblysynyń ákimi Ońdasyn Orazalın "QazMunaıGaz" UK AQ Basqarma tóraǵasy Alık Aıdarbaevpen kezdesti. Kezdesý barysynda AQ-ǵa qarasty Aqtóbe óńirindegi «Qazaqoıl-Aqtóbe» , «Qazaqtúrikmunaı» , «Óriktaý Opereıtıng» JSHS-teriniń atqarǵan jumystary jóninde aıtyldy.
«QazMunaıGaz» UK AQ iri jumys berýshiler qataryna jatady, oblysta shamamen 900 adam atalmysh kompanıanyń eń jaqsy eńbek sharttarymen qamtamasyz etilgen, ári olardyń ortasha jalaqy kólemi de joǵary”,-dedi Ońdasyn Orazalın.
Alık Aıdarbaev óz kezeginde pandemıa kezinde Aqtóbe oblysynda jumys oryndarynyń qysqartylmaǵanyn aıtyp ótti. 
“Jalaqy kólemi saqtaldy. Kompanıa bıznestiń áleýmettik jaýapkershiligine úlken kóńil bóledi. Aldaǵy ýaqytta birlese otyryp, tabysty jumys isteımiz dep senemin»,-dep atap ótti basqarma tóraǵasy.
Aıtyp óteıik, «Qazaqtúrikmunaı» JSHS 2007 jyldan bastap, Baıǵanın aýdany Jarqamys eldi meken turǵyndaryn kógildir otynmen aqysyz túrde qamtamasyz etip keledi. Ulttyq kompanıa elimizdiń munaı-gaz salasyndaǵy memlekettiń múddelerin bildiretin, kómirsýtekterdi barlaý, óndirý, qaıta óńdeý jáne tasymaldaý boıynsha iri qazaqstandyq operator. Budan soń, QazMunaıGaz" UK AQ Basqarma tóraǵasy Alık Aıdarbaev pen oblys basshysy Ońdasyn Orazalın «Óriktaý Opereıtıng» JSHS, “Álibekmola” , “ Laqtybaı”, “Qaratóbe”, “Qojasaı «Gas Processing Company» munaı -gaz kondensat ken oryndarynyń júmystaryn qarady.
“Qaratóbe” ken ornynda vahtalyq qalashyq boı kótermek. Basshylyq taraptar qurylystyń alǵashqy irgetasyn qalaýdy bastap berdi. 100 orynǵa arnalǵan jataqhana zaman talabyna saı salynady. Keshende medpýnkt, tynyǵatyn oryn, jabyq sport zal t.b qajetti ǵımarattar bolady. Qurylysy jyl aıaǵyna deıin aıaqtalady dep kútilýde.