Lıssabondaǵy Molekýlárlyq medısına ınstıtýtynyń ǵalymdar toby koronavırýstyń bólshekterin beıtaraptandyratyn qorǵanys maskasyn jasady. Bul týraly La Razon jazdy.
Bul maska birneshe sý ótkizbeıtin qabat pen arnaıy jabyndysy bar matadan jasalǵan.
– Maskada SARS-CoV-2 vırýsyn matamen baılanysqan kezde zalalsyzdandyratyn ınovasıalyq jabyn bar, – dep túsindirdi vırýsolog Pedro Sımas.
Sondaı-aq ol maskany 50 ret jýǵannyń ózinde vırýsqa qarsy qasıetin saqtaıtynyn atap ótti.
Synaqtan ótkizý kezinde zertteýshiler maskany koronavırýs molekýlalary bar eritindige batyrǵan. Artynsha vırýstyń 99%-y bir saǵattan keıin qasıetterin joǵaltqan.
