Apple kompanıasynyń smartfondary men planshetterindegi prosesordyń osal jeri anyqtaldy. Bul týraly Digitpol kıberqaýipsizdik agenttigi qytaılyq Pangu damytý tobyna silteme jasap habarlady, dep jazady RIA Novostı.

Mundaǵy másele qupıa aqparatty, sonyń ishinde qupıa sózder men bıometrıalyq derekterdi saqtaýǵa jaýapty SEP (Secure Enclave Protection) prosesorymen baılanysty bolyp otyr.

Quraldaǵy aqparatty alý úshin Checkm8 eksploıty paıdalanylady. Ol avtomatty túrde buǵattaý rejıminen aınalyp ótip, gadjettegi qupıa aqparatty ashatyn kodty tabady. Sarapshylar haker quraldaǵy aqparatty alý úshin smartfondy qolyna túsirse jetkilikti ekenin aıtady.

Mamandar Apple kompanıasynyń smartfondary men planshetterindegi defektti baǵdarlamalyq qamtamasyz etý deńgeıinde joıý múmkin emes ekenin aıtady.