Karantınniń taǵy eki aptaǵa uzartylýyna baılanysty tamyz aıynda qazaqstandyqtarǵa 42 500 teńge berilýi múmkin be? Bul suraqqa ortalyq komýnıkasıalar qyzmetinde ótken baspasóz máslıhatynda ulttyq ekonomıka mınıstri Rýslan Dálenov jaýap berdi, dep habarlady QazAqparat.

– Ózderińiz biletindeı, memlekettik komısıaǵa karantın merzimin uzartý máselesin qaraý týraly tapsyrma júktelgen bolatyn. Taıaýda ótetin memlekettik komısıanyń otyrysynda birqatar mindet qaralyp, onyń ishinde halyq pen ekonomıkany qoldaý máselesi de pysyqtalady. Bul másele sol sebepti memlekettik komısıanyń otyrysynan keıin belgili bolady, – dedi Rýslan Dálenov.

Shilde aıynda 42 500 teńge mólsherinde birjolǵy tólem taǵaıyndaýǵa azamattardan 2,2 mln-nan astam biregeı ótinish qabyldanǵan. Tólem 2 mln adamǵa taǵaıyndaldy. Aqshalaı qarajat 1 mln 981 myń qazaqstandyqqa aýdarylǵan.