Búgin búkil álem musylmandary atap ótetin Qurban aıt merekesinde Májilis depýtattary elimizdiń ár aımaǵynda koronavırýs indetiniń saldarynyń qıyn jaǵdaıǵa tap bolǵan qazaqstandyqtarǵa qaıyrymdylyq sharalaryn ótkizdi.
Qasıetti merekede depýtattar múmkindigi shekteýli jandarǵa, kóp balaly otbasylar men qarttarǵa azyq-túlikter men qajetti zattar men jeke qorǵanys quraldaryn jetkizdi.
Nur-Sultan qalasynda Májilis depýtattary Berik Ospanov, Asylbek Smaǵulov jáne Nurjan Áltaev muqtaj jandarǵa kómek kórsetti.
Olar Qazaqstan musylmandary dinı basqarmasynyń ókilderimen birge qarttar men kópbalaly otbasylarǵa baryp, azyq-túlikter men qurbandyqqa shalynǵan maldyń etterin berdi.
Májilis depýtattary bul kúnderi tek iri qalalarǵa ǵana emes, oblys ortalyqtary men shalǵaıdaǵy eldi mekenderge de bardy. «Aq jol» partıasynyń parlamenttik fraksıasynyń jetekshisi Azat Perýashev elordadan 160 shaqyrym jerde ornalasqan Aqmola oblysynyń Ereımentaý aýdanynda boldy. Májilismen 30 otbasyna azyq-túlik pen qajetti taýarlar jetkizdi. Sonymen qatar, A.Perýashev aýdandyq aýrýhananyń dárigerleri men medısınalyq qyzmetkerlerimen kezdesip, aýrýhanaǵa dári-dármekter men jeke qorǵanys quraldaryn syıǵa tartty.
Sonymen qatar, qaıyrymdylyq aksıalaryna Májilis depýtattary «Halyqtyq komýnıser» fraksıasynyń atynan Aıqyn Qońyrov pen Jambyl Ahmetbekov te belsendi qatysty. Májilismender «Shapaǵat» jobasy aıasynda kóp balaly otbasylarǵa, zeınetkerlerge, sondaı-aq balalar úıiniń burynǵy túlekterine azyq-túlikteı kómek kórsetti.
Májilis depýtaty Abzal Eralıev Qyzylorda oblysyndaǵy kóptegen otbasylarǵa áleýmettik qoldaý kórsetti.
Kórsetilgen kómekke rızashylyq bildirgen óńir turǵyndary qazaqstandyq qoǵamnyń basty qundylyqtary – beıbitshilikti, kelisim men birlikti jáne bir-birine qurmet pen qoldaý kórsetýdiń mańyzdylyǵyn atap ótti.
Aıta ketý kerek, Qurban aıt merekesi aıasynda qaıyrymdylyq aksıalary Májilis depýtattarynyń esebinen uıymdastyryldy.
İs-sharalar barlyq sanıtarlyq normalar men karantın erejelerin qatań saqtaı otyryp ótkizildi.
Májilistiń baspasóz qyzmeti
