Nur-Sultan qalasynda "Astana Raýshan kasa aınalymy" qarjy pıramıdasynyń joly kesildi, dep habarlady qarjy mınıstrligi qarjy monıtorıńi komıtetiniń baspasóz qyzmeti. 

Kompanıa 2020 jyldyń qańtarynda qarjy pıramıdasynyń negizinde qurylǵan. Ony qurǵan elorda turǵyny myńnan astam adamnan zańsyz jolmen aqsha alyp, olardy taqyrǵa otyrǵyzǵan. Qazirgi kezde keltirilgen shyǵyn eseptelip jatyr. 

"Qazirgi tańda atalǵan fakt boıynsha QR QK 217-baby 2-bólimi 4-tarmaǵyna sáıkes sotqa deıingi tergeý isi júrgizilýde (iri mólsherde aqshany tarta otyryp, qarjylyq pıramıdany qurý jáne oǵan basshylyq etý). Joǵaryda kórsetilgen qarjy pıramıdasynyń zańsyz áreketinen japa shekkenderdi Nur-Sultan qalasy boıynsha Ekonomıkalyq tergeý departamentine júginýin suraımyz (Jeltoqsan kóshesi, 43 úı, tel.: 31-61-45, uıaly tel.: 8-701-218-5318, 8-701-888-9316)" delingen habarlamada.