Rýhanı jańǵyrý baǵdarlamasynyń bir tarmaǵy Jańa gýmanıtarlyq bilim – qazaq tilindegi 100 jańa oqýlyq baǵdarlamasy. 2017 jyldan beri kitaptardy aýdarý jumysyn qolǵa alǵan Ulttyq aýdarma búrosynyń basshysy Raýan Kenjehanuly Ortalyq komýnıkasıalar qyzmetinde jańa kitaptardy tanystyrdy.

Spıkerdiń aıtýynsha bul jumysqa 300-den astam ǵalym, aýdarmashy tartylǵan. Joba maqsaty, dúnıe júzindegi eń irgeli oqý oryndarynyń oqý baǵdarlamasyna kirgen oqýlyqtardy qazaq tiline aýdaryp, otandyq JOO-larǵa tegin jetkizý.

– Búginde elimizde 1,5 mln stýdent bar. Olardyń 70%-dan astamy qazaq tilinde bilim alyp jatyr. Jobany iske asyrý úshin oqý oryndaryndaǵy fakúltetter qajetti degen kitaptardyń tizimin berdi. Bıylǵy aýdarylǵan oqýlyqtardyń deni shyǵarmashylyq baǵytta oqytylatyn stýdentterge arnaldy, – dedi R.Kenjehanuly.

2017 jyldan beri 77 oqýlyq aýdarylyp, olar 10 myń danamen basylyp 132 JOO-nyń kitap qorlaryna jetkizilgen. Sonymen qatar elektrondy nusqalary "Qazaqstannyń ashyq ýnıversıteti" portalyna engizildi.

Sonymen, bıylǵy aýdarylǵan 30 jańa kitap – kıno-teatr óneri, mýzyka salasynan álemniń úzdik ǵalymdarynyń eńbekteri jáne quqyqtaný baǵytyndaǵy birneshe basylymdy quraıdy.

Kitaptardyń tolyq tizimin 100 kitaptyń resmı saıtynan kórýge bolady.