«Aýyl» partıasynyń tóraǵasy Álı Bektaevtyń sózinshe «Birlik» partıasynyń bul usynysy bıylǵy jyly kelip túsken. Usynys kelip túskennen keıin «Aýyl» partıasynyń Saıası keńes Prezıdıýmynyń sheshimimen  «Birlik» partıasynyń qyzmeti men baǵdarlamalyq qujattaryn zerdeleý boıynsha jumys toby qurylǵan.

      Jumys tobynyń jetekshisi Seıtjanov Q.Q. sıez delegattaryn jumys tobynyń qortyndy esebimen tanystyrdy. Jumys tobynyń jetekshisi «Birlik» partıasynyń elimizdiń  saıası – qoǵamdyq ómirine aralasý belsendiliginiń tómen ekendigin aıta kele,  partıanyń qurylymdyq bólimshelerindegi jumystarda turaqtylyq pen birizdilik joq ekenin atap ótti. Sondaı-aq ol jumys tobynyń «Birlik» partıasynyń jarǵysy men baǵdarlamasyna jyldar boıy ózgerister engizilmegendikten ondaǵy kóptegen máseleler zamanaýı saıası jaǵdaıatta óziniń ózektiligin joıǵan» degen pikirin sıez delegattaryna jetkizdi. Seıtjanov Q.Q. óz sózin « «Birlik» partıasynyń qosylýy «Aýyl» partıasyna eshqandaı da saıası bedel ápermeıdi» dep túıindedi.

Jumys tobynyń esebinen keıin Akberdıev F.A., Sadyrbaev A.J. jáne Orazbaev Ǵ.J. sıaqty sıez delegattary jaryssózge shyǵyp, óz pikirlerin bildirdi. Daýysqa salý barysynda delegattardyń basym bóligi jumys tobynyń  qortyndysyn qoldap, «Birlik» saıası partıasynyń «Aýyl» Halyqtyq – demokratıalyq patrıottyq partıasyna qosylý týraly usynysyna qarsy daýys berdi.

Sonymen qatar, «Aýyl» partıasynyń kezekten tys sezinde ««Aýyl» Halyqtyq – demokratıalyq patrıottyq partıasynyń Saıası keńes Prezıdıýmynyń quramyna ózgerister engizý týraly» másele qarastyryldy. Sıez delegattarynyń biraýyzdan qoldaýymen   eńbek jáne áleýmettik qorǵaý eks vıse- mınıstri Jakýpova Svetlana Qabykenqyzy, e.ǵ.d., «Atameken» Ulttyq kásipkerler palatasy basqarma tóraǵasynyń keńesshisi Erbol Eseneev, «Shopan-ata» Ulttyq qoı ósirýshiler qaýymdastyǵynyń tóraǵasy Almazbek Sadyrbaev jáne «Aýyl» HDPP jastar qanatynyń ókili Áıgerim Kókeeva Partıanyń Saıası keńes Prezıdıýmynyń quramyna endi.

Sıez jumysynan keıin Saıası keńestiń sheshimimen Qaırat Aıtýǵanov jáne Svetlana «Jakýpova «Aýyl» Halyqtyq – demokratıalyq patrıottyq partıasy tóraǵasynyń orynbasary bolyp saılandy.

«Aýyl» Halyqtyq – demokratıalyq

patrıottyq partıasynyń 

baspasóz qyzmeti