"Shymkent" áleýmettik kásipkerlik korporasıasy aksıonerlik qoǵamy basqarmasynyń tóraǵasy Baýyrjan Kankın BAQ ókilderine orys tilinde jaýap berip, ózi sıaqty  deńgeıdegi qyzmetkerler úshin memlekettik tildi bilý mindetti emestigin aıtty.

Keshe Shymkent qalasynda ıpodromǵa arnalǵan brıfıń ótken. Sharaǵa "Shymkent" ÁKK UK AQ basqarma tóraǵasy Baýyrjan Kankın qatysqan. Shara barysynda jýrnalıserdiń suraǵyna jaýap bergen ol qazaqsha jaýap bere almaı, irkilgen. Korporasıa tóraǵasyn Záýre Myrzahodjaeva esimdi jeli qoldanýshysy ázilge qurylǵan baǵdarlamanyń qazaq tilin bilmeıtin Mels Maratuly atty prototıpine teńep, ashynyp jatyr.

Baýyrjan Kankın memleketti tildi bilýden buryn nátıje kórsetken mańyzdy ekenin jetkizip, "Fransıanyń ózinde til bilmeıtin mamandar jumys istep, nátıje kórsetip jatyr" dep aqtaldy.

"Qyzmetkerdi onyń jumysynyń nátıjeleri boıynsha baǵalaýǵa keletin bolsaq, onyń komandasynyń bar ekeni de, jumys nátıjesi de  sezilmeıdi" delingen Záýre Myrzahodjaevanyń jazbasynda.