Ótken táýlikte Reseıde koronavırýstyq ınfeksıanyń 5488 jańa jaǵdaıy tirkeldi, 119 adam qaıtys boldy, 5428 adam aýrýhanalardan shyǵaryldy. Bul týraly Rıa Novostı habarlady. 

Koronavırýs anyqtalǵan 1229 adamda aýrý belgileri joq (22,4 paıyz). 

Reseıdiń barlyq 85 aımaǵynda jańa jaǵdaılar anyqtalýda. Olardyń kópshiligi Máskeýde - 670, taǵy 203 - Sankt-Peterbýrgte, 170 - Máskeý oblysynda, 159 - Rostovta, 156 - Nıjnıı Novgorodta tirkelgen. Jańa jaǵdaılardyń eń az sany - Chýkotka jáne Nenes avtonomıalyq okrýgtarynda. Sheshenstanda aýrý juqtyrǵan tórt adam, al Sevastopolde jeti adam anyqtalǵan.

Al bir kún buryn 5504 jańa jaǵdaı tirkelgen. Táýliktik ósý qarqyny 0,5 paıyzdy qurady.

Búkil pandemıa kezinde juqtyrǵan adamdardyń jalpy sany 1 057 362-ge jetti, ishinde 18 484 adam qaıtys boldy, 873 535-i aıyqqan.

DDSU-nyń sońǵy derekteri boıynsha álemde 28 mıllıon COVID-19 juqtyrǵan, 906 myń adam qaıtys boldy.

Vırýs eń kóp taraǵan elder de anyqtaldy. AQSH-ta - 6,3 mln. Úndistan, Brazılıa, Reseı, Perý, Kolýmbıa, Meksıka, Ońtústik Afrıka, Ispanıa jáne Argentına ınfeksıaǵa beıim elderdiń ondyǵyna kiredi.